MANU DAME NIAN
Ai, manu falur murak, manu dame nian
Ó iha ne’ebé?
Ai, manu falur murak, manu dame nian
Maka iha kbiit semo aas tebes
Ó iha loos ne’ebé ona?
Ha'u la tahan ona hein ó
Atu semo mai
Rani iha ne’e, rani iha ai hali boot ida ne’e nia leten
Maka mahon furak
Ho aisanak Oliveira
Maka naktabar metin
Iha ó-nia ibun tutun
Ai, manu falur murak, manu dame nian
Ha’u la tahan ona atu hein fali
Hodi rona ó-nia knananuk Jerusalem nian maka ksolok no furak tebes!
---
2003-2005
Abé Barreto Soares
2 comments:
MANU MEAN MAU DICK
MANU INA, MANU AMAN
AMUTUK IA SOKO LARAN
AKSOLAKE MALUK DEIT
TO RAI SE SAI NACLARAN
MANU AMAN BADINAS LIU
KOSAR TE SAI DIDIUK
MANU INAN TERUS LA BELE
ALAI TIA BA FATIN SELUK
AFONSO BUSSAN MUTIN
*)PÁSSARO DA PAZ
Ó, doce pomba, pássaro da paz
O que escondes?
Ó, doce pomba, pássaro da paz
De forças tão intensas, tão altas
O que escondes?
Mal posso esperar
O teu regresso
O teu pousar sobre a gondoeira
E a maravilhosa sombra
Com o ramo de Oliveira
Preso no teu bico
Ó, doce pomba, pássaro da paz
Ansiosamente, espero e escuto
O teu encantador e melodioso
Canto de Jerusalém
--
2003-2005
*)Ha'u haruka mos versaun Portuges poezia "Manu Dame Nian" iha ne'e. Maluk Toze Borges, profesor Portuges ida ne'ebe hanorin iha Universidade Nacional de Timor-Lorosa'e maka traduz ba lian Portuges.
Ksolok,
Abe Barreto Soares
Post a Comment