Monday, July 28, 2008

A poesia de Abé Barreto

Dili, 25 Jullu 2008

“… o mar é poeta que corre a oferecer os versos do seu existir
brilhando para reflectir os sentimentos que não são ditos”
Tozé Borges

Belun leitór/a sira maka ha’u respeita,

Kleur ona mak ha’u la mosu iha “cyberspace” hodi haklaken ha’u-nia poezia ka dadolin oan ruma ba imi, tanba ha’u okupadu tebes ho buat seluk ne’ebé relasiona ho vida moris nian.

Ita hasoru malu fali ohin. Ha’u mosu fali ho poezia oan balu ne’ebé ha’u hakerek iha tinan 2006, tinan kotuk no tinan ida ne’e (favór haree iha aneksu, iha okos).

Hamutuk nafatin iha kbiit domin no dame.

Kmanek no ksolok,
Abé Barreto Soares

------

1.KO’ALIA LIA DOMIN

Lia domin hakat liu rai keta

Lia domin: nu’udar funu ida hasoru “status-quo”

Bainhira ko’alia lia domin, la presiza tan ona durubasa sira.

---
2006-2008


2.LIAFUAN SIRA IHA LIRAS

Liafuan sira iha liras
Liafuan sira semo, hale’u mundu rai klaran

Liafuan sira lakohi ema futu
Liafuan sira lakohi ema sulan

---
2007

3.LÁGRIMAS DO AVÔ CROCÓDILO

Ha’u-nia laran dodok
Ha’u-nia laran taridu
Ha’u-nia laran susar
Ha’u-nia laran kanek

Dodok
Taridu
Susar
Kanek

La halimar

Haree imi oan sira, beioan sira han malu, tata malu la hotu de’it

Ha’u-nia matan been suli,
Sei suli hanesan mota oan ida iha tinan bai-loro,
Bainhira imi la hakat atu buka malu fali, fó liman ba malu
Hodi hakotu lia sakat maka bobar metin imi neon,
kesi metin imi laran
---
2008

4.TURUK NETIK Ó-NIA BEE MURAK
(Meditasaun Loro Makas nian)

Na’i, ha’u ata hamrok
Na’I, ha’u ata hamlaha
Ha’u ata liman ain kole, la’o labele

Turuk netik Ó-nia bee murak ba ha’u klamar no isin

Hamutuk ho Na’i, ha’u sei la sidi
Hamutuk ho Na’i, ha’u sei la monu
---
2008

5.*)BERGURU PADA ANAK

Labarik sira, ita-nia matan-fulun
Labarik sira, ita-nia tilun-tahan
Labarik sira, ita-nia tee-rohan
Labarik sira, ita-nia raan kafuak
Labarik sira, ita-nia liman-ain

Labarik sira, sai sasin moris,
hatutan ita-nia lisan,
husi hun to’o rohan

Labarik sira, ita-nia eskolante
Labarik sira, ita-nia mestre
---
2008

*) Títulu poezia ne’e mai hosi títulu livru ida-ne’ebé hakerek ho lia-indonézia, katak “APRENDE HOSI LABARIK SIRA”.

1:01 AM

Tuesday, July 22, 2008

"Queria comprar um prado " de Bom Dic

QUERIA COMPRAR UM PRADO
ACABEI COMPRANDO UM CAMELO
POIS NAO ERA DO AGRADO
E SO ME DAVA PESADELO

APARECEU-ME UM VENDEDOR
BOM NEGOCIANTE, MEIO CIGANO
QUERIA VENDER-ME 109
SO POR UM ROLO DE PANO

UM ABRACO

BOM DIC