"DIÁLOGU IDA IHA TINAN KLARAN" de Abé Barreto


(Reflesaun Dadeersan nian)



Na’i, ha’u nu’udar de’it lápis oan ida, ne’ebé Ita-Boot book hodi hakerek Ita-Boot nia hanoin no sentimentu,



Na’i, ha’u nu’udar de’it flauta lolon oan ida, ne’ebé Ita-Boot huu hodi hamosu knananuk lalehan nian ne’ebé melodiozu,



Na’i, ha’u nu’udar de’it gitara ida, ne’ebé Ita-Boot fekit hodi haklaken lian sira, ne’ebé fanun klamar sira mak toba dukur
namanas,



Na’i, ha’u nu’udar de’it pianu ida, ne’ebé Ita-Boot toka nia lolon sira, no ha’u fó sai lian sira ne’ebé aas iha kalan nakukun no hakmatek,



Na’i, ho liafuan badak, ha’u hakarak hatete katak, fó lisensa mai ha’u atu empresta liafuan Santu Fransisku Asisi nian,


“Halo ha’u-ata sai nu’udar instrumentru dame!”



iha mundu rai klaran


ne’ebé luan ida-ne’e



Na’i, ha’u hakarak halo tuir, no kumpri bebeik Ita-Boot nia hakarak


iha rai no iha lalehan.


Amen.