Tuesday, September 16, 2008

"DIÁLOGU IDA IHA TINAN KLARAN" de Abé Barreto






(Reflesaun Dadeersan nian)



Na’i, ha’u nu’udar de’it lápis oan ida, ne’ebé Ita-Boot book hodi hakerek Ita-Boot nia hanoin no sentimentu,



Na’i, ha’u nu’udar de’it flauta lolon oan ida, ne’ebé Ita-Boot huu hodi hamosu knananuk lalehan nian ne’ebé melodiozu,



Na’i, ha’u nu’udar de’it gitara ida, ne’ebé Ita-Boot fekit hodi haklaken lian sira, ne’ebé fanun klamar sira mak toba dukur
namanas,



Na’i, ha’u nu’udar de’it pianu ida, ne’ebé Ita-Boot toka nia lolon sira, no ha’u fó sai lian sira ne’ebé aas iha kalan nakukun no hakmatek,



Na’i, ho liafuan badak, ha’u hakarak hatete katak, fó lisensa mai ha’u atu empresta liafuan Santu Fransisku Asisi nian,


“Halo ha’u-ata sai nu’udar instrumentru dame!”



iha mundu rai klaran


ne’ebé luan ida-ne’e



Na’i, ha’u hakarak halo tuir, no kumpri bebeik Ita-Boot nia hakarak


iha rai no iha lalehan.


Amen.

6 comments:

Anonymous said...

Abe!

"Na’i, ha’u hakarak halo tuir, no kumpri bebeik Ita-Boot nia hakarak


iha rai no iha lalehan."

Inferno neh la iha?

Um abraco

Mau Dick

Anonymous said...

Ola Mau Dick,

Obrigadu barak ba ita-boot nia komentáriu. Konserteza, konseitu “infernu” ne’e iha duni, hanesan mós antónimu ba liafuan “lalehan”, ne’ebé ita hotu hatene. Maibé, iha kontestu ida-ne’e, karik liafuan “infernu” ita obriga duni atu hatama iha poezia ida-ne’e nia laran, ha’u sinti katak poezia ne’e sei lakon tiha nia sentidu orijinál, ne’ebé há’u iha intensaun atu hakarak fó sai ba maluk sira.

Kmanek,
Abé Barreto Soares

Anonymous said...

Rai mate ! Rai moris!
Lalehan ka Inferno,
iha ita nia laran!
Lian ne'e hanessa naran
Lalehan ka Inferno
ita ema maka monu
oh lian ida nia laran


kmanek

Manecas ( Fatuhada)

Anonymous said...

Abe!

"ha’u sinti katak poezia ne’e sei lakon tiha nia sentidu orijinál, ne’ebé há’u iha intensaun atu hakarak fó sai ba maluk sira".

Obrigado barak.Hau komprende ita-boot poezia ne'e furak tebe tebes.

Um abraco

Mau Dick

Anonymous said...

Manecas!

Deixaste ficar de fora o "mate bandera....."

So me parece uma das letras das antigas musicas da Fretilin.
Foho Ramelau?

Um abraco

Mau Dick

Anonymous said...

ITA MAK SEI LEKI, ITA MAK SEI LAKON

Tasi, ita-nia belun
Rai-maran, ita-nia belun
Ai-laran tuan, ita-nia belun
Fatuk-laran, ita-nia belun
Dolak oan, ita-nia belun
Mota oan sira, ita-nia belun
Lelehan, ita-nia belun
Balada sira, ita-nia belun

Ita keta halo kanek
Ita keta halo rahun
Ita keta sobu namkari

Bainhira hakenek, bainhira harahun, bainhira sobu namkari,
ita mak sei leki, ita mak sei lakon
---
2008

Abé Barreto Soares