Dili, 27 fulan-Agostu, 2008
Maluk leitor sira hotu,
Ho laran haksolok ha'u hakarak hato'o katak ha'u apresia tebes ho imi-nia liafuan kmanek ne'ebe fo sai kona-ba poezia sira maka ha'u haruka tiha ona ba iha blog ida-ne'e. Ita sorte tebes iha maluk ida hanesan Maracuja Maaduro, ne'ebe iha vontade boot atu mantein nafatin blog ida-ne'e, hanesan fatin ba ita atu dada lia artistikamente. Imi-nia apresiasaun murak no klean ba poezia sira ne'e, kria tebes duni komunikasaun ida maka furak entre ita hotu.
Ha'u hein katak ha'u sei iha kbiit liutan atu hakerek no hakerek, iha tempu sira ikusmai.
Ho poezia, ita hananu, ho poezia ita tebe, ho poezia ita dahur. Ho poezia ita dada lia. Hamutuk ita
la'o, hakat hasoru loron aban.
Ksolok wain,
ABE BARRETO SOARES
Subscribe to:
Post Comments (Atom)
No comments:
Post a Comment