Iha tasi-ibun iha Dili
Hamriik hale-hun ida
Boot, tuan, aas
Mahon-diak, hamahon ema
Nia tahan monu habokur rai
Nia sanak dada manu-fuik mai
Nia lolon, fatin ba labarik sira
Mai feto, mai mane,
Ita rua, mai namora.
Alex Tilman, 2007
Subscribe to:
Post Comments (Atom)
2 comments:
Knua
Knua,
Ki'ik, maibé uma
Ita hotu nia knuuk
Kosok eh katuas
Ema di'ak eh ema aat
Knua
Maka knuuk ema nian
Lori han, lori hemu
Sori ita, hamahon ita
Dala ruma,
ita sente boot liu nia
Knua,
Klo'ot, maibé uma
Ita boot ona
Knua ki'ik nafatin
Hanesan manu-fuik, ita semo lemo-lemo
Manu baku liras, semo ba fatin hoti-hotu
maibé sei fila-fali ba nia knuuk
Timor-oan baku ulun, la'o bá fatin hotu-hotu
maibé tenke fila-fali ba nia knua
Alex Tilman, 2006
Semarang, Indonezia, 8 Agostu 2007
Alex,
Furak atu haree ita boot nia poezia iha blog ida ne'e.
Keep up the good work!
Kmanek,
ABE BARRETO SOARES
Post a Comment